Apr 3, 2017

"Баяртай, сайхан дэлхий минь..."

“Чи таа л даа”... Чи ингэж хэлнэ, тэгээд нэг сүрхий жуумалзана. Энэ дүр зургийг би нүдээ аниад ч харж, чихээ таглаад ч сонсож чадна. Гагцхүү нүдээ нээхэд энэ бүхэн алга болчих юм. Би ахиад л таасангүй. Тоглоом тохуу хийхдээ, булзахдаа чи дандаа ингэж хэлнэ. Хариултыг нь харин би ер олж тааж байгаагүй юм байна шүү, одоо нэхэн санахад.
Тааж олж чадахгүй олон нууц байдаг юм байна аа, ер нь. Чамайг нисээд явчихна ч гэж би таасангүй, ер бодож ч зүрхлэхгүй байсан байх аа. Тийм болоод л...
Чи тэр өдөр ирэхгүй, тэгээд хэдэн пивоны бөглөө мултлахгүй, гараад гаансаа чамд гайхуулахгүй, халаад хамтдаа цаг гаруй алхахгүй, маргааш нь “Блисс” орохгүй, үүр цайтал уухгүй, хамаг мөрөөдлөө ярихгүй, чи худлаа хэлэхгүй, би түүнд нь итгэхгүй, догдлохгүй, дахиад, дахиад, дахиад ч бас уулзмаар санагдахгүй, тэгэх нь тоолон биелэхгүй, З... ирэхгүй, гурвуулаа уулзахгүй, “Баяртай, сайхан дэлхий минь”-ийг сонсохгүй, хамт ууж, хамт дуулж, хамт үзэж, хамт алхаж, хамт ажиллаж, тэгээд залхаж, үдэж, холдож, зугатаж, үргээж, танихгүй өнгөрч, сүүлд нь ахиад таарч, эвлэрч, тэврэлдээд салж, тэгээд үг дуугүй явуулж.... Ер нь энэ бүхэн анхнаасаа л болохгүй байж болоогүй юм болов уу?
Хариултыг нь чи мэдэж байгаа. Харин би таах ёстой...
Миний тааж чадахгүйн хариуг чи гэхдээ үлдээжээ. Өчүүхэн “би”-г минь тойроод олон асуултын хариу эргэлдэж байсан байх юм. Чамаас нэг нь асууж, тэгээд чи хариулж. Дотнын нэгнээ алдахад яах ёстой вэ гэж... Түүнд нь чи,
“...2 hol deeree changa zogsoh heregtei. Tgd alh, agaariig meder. Hamgiin chuhal ni chamd ter hun itgej hairlaj bgaag l sanah heregtei. Chamd ogson ter buh hair itgeliinh ni toloo uragshaa alhah heregtei. Mishee, iim saihan huntei uchirsan huvi zayandaa talarhaarai. Hezee neg odor chi uheed nuuriig ni bardam harah ystoi gdgiig l sain sana...” гэж хариулж.
Би чадах болов уу.
Хариултыг нь чи мэдэж байгаа. Харин би таах ёстой...


4 comments:

  1. Etsest ni neg yum

    ReplyDelete
  2. This comment has been removed by the author.

    ReplyDelete
  3. САЙН ЮМ АА ... ЧИ ТАА Л ДАА ГЭШШШШШ ... ГЭЖ ХЭЛЭХ ДУРТАЙ :)

    ReplyDelete
  4. 2016 onii 3r sariin 10nd minii ahiin tursun udur boloh bailaa. Harin 7nd ter uurd burhnii oronluu nischihseniig bi 11nd ni medsen yum. 16 tsagiin daraa bi mongoldoo irev. Ingej l anh udaagaa uheltei nuur tulav. Huv huiten ustai torhond usreed orchih shig l medremj turdug yum bileee. Ter torhnoosoo garj chadalgui udsan daaa. Odoo ch buren garsan eseheee medehgui l yavna. Gehdee chinii helsen ene ugs namaig 2 hul deeree bat zogsood amidralaa tsaashaa irgeljluulehed ih zorig ugsun shuu. Hediigeer zus tanih l zaluu ch gsn, chi nadad ih dotno sanagddag bsan bolood l ask-r chamaas tegj asuusan bh. Iim gaihaltai hun bolj tursund chin bayarlalaaa. Bas ingej uurt chin helj chadaaguideee uneheer ih haramsdag. Uuchlaarai...

    ReplyDelete